Esta WebQuest está deseñada
para permitir aos estudantes mergullarse no máxico mundo das lendas galegas,
para o que realizarán unha busca de información e elaborarán un PowerPoint que
lles sirva de apoio na exposición a toda a clase dos coñecementos adquiridos.
Posteriormente, inventarán todos xuntos unha lenda. A duración da actividade é
de 6 sesións e está pensada para o alumnado de 4º de Primaria, é dicir, de 9-10
anos.
A actividade está programada
para unha clase de 25 alumnos que se dividirá en grupos de 5 persoas. Esta
división dá lugar a 5 grupos: cada un encargarase de recoller información sobre
as lendas dunha provincia galega, salvo un, que se centrará na lenda dos restos
do Apóstolo Santiago. O alumnado traballará en grupo repartido a busca de información
e a elaboración da presentación. En gran grupo realizarase a exposición dos
traballos e a elaboración e dramatización da lenda inventada. Os grupos
formaranse de maneira aleatoria, coa web https://echaloasuerte.com/, para
favorecer que os alumnos e alumnas aprendan a traballar con compañeiros/as
distintos.
Antes do inicio da actividade,
os estudantes deben ter unha introdución sobre que é unha lenda. Tamén é
recomendable, no caso de que a forma de traballo con WebQuest sexa nova para o
alumnado, facer unha demostración de como funciona no encerado dixital.
O papel do mestre/a é guiar o
proceso de ensinanza-aprendizaxe, axudando e orientando ao alumnado.
Os coñecementos previos que debe ter están relacionados con saber como manexar PowerPoint, o programa que os alumnos/as empregarán para a elaboración da presentación, para poder explicarlles como utilizalo e saber resolver dúbidas. Ademais, realizará a avaliación das tarefas segundo os criterios da rúbrica do profesorado (reflectidos no apartado "Avaliación" da WebQuest) e calculará a media entre esta avaliación e a autoavaliación do alumnado, para chegar así ao resultado final.
Os coñecementos previos que debe ter están relacionados con saber como manexar PowerPoint, o programa que os alumnos/as empregarán para a elaboración da presentación, para poder explicarlles como utilizalo e saber resolver dúbidas. Ademais, realizará a avaliación das tarefas segundo os criterios da rúbrica do profesorado (reflectidos no apartado "Avaliación" da WebQuest) e calculará a media entre esta avaliación e a autoavaliación do alumnado, para chegar así ao resultado final.
